亞活 生活 事。 生活點滴人和事，日常工作煩與碎。
由於手上有兩張贈券,今日約了女友去看《邁亞密風暴》。唔使錢?,都唔好咁丫,爛到死。平平無奇,浪費時間。好在戲院位都幾好坐。
非吸煙人士經常碰到不公平的事。今日去飲茶,知客小姐問我,吸煙區介唔介意? 我梗係介意啦, 咁就要等位,吸煙人士有優先入座權,非吸煙呢? 等下啦。 好心啦, 要食煙咪走返屋企個廁所煲囉。 食肆又係無腦, 我唔信生意會少了,分分鐘仲會多了生意。
做咁耐人,究竟點至叫成熟? 我近來經常問自己。 但求利己而損人? 所為一將功成萬骨枯? 為求大眾利益而我為人人? 其實人人心中都有一把呎去量度。 只不過功利社會裏,「我為人人」之前都是「人人為我」。
