大家樂香蕉船

早兩日和同事去試下大家樂新推出的香蕉船餐,份量真係豐富。我叫的係牛扒鐵板,有餐湯、有汽水同埋香蕉船。但係可能個別分店的關係,質數真係麻麻,叫做吃飽就算了。如果日後有人話叫我食呢個餐,我會答佢,「呢D野我係唔會試」。

海闊天空

一句『海闊天空』引來同事們爭相討論。
一個『白色信封』令到話題敏感。
一個為公司付出十多年青春的男人，會做了甚麼決擇呢? 他又因咩原因會咁做呢?
事前全無蛛絲馬跡，亦無人估到係咩事。
當事人不作正式回應，但事情真相很快會暴光。我和大家一樣『十五、十六，唔估唔舒服。』 

Push! Push!

這幾天天氣熱，心情煩燥，經常發脾氣。 在此想對身邊的人講聲『唔好意思，我無惡意的。』天氣咁熱，人又易燥，我又性格剛烈。我這種第四類〈一〉危險品，一點就著。 咁好彩昨日係今年以來最熱的一天，公司又要開Team meeting，再加上經常〝PUSH〞人的上司，就發生世界杯精彩的一幕 ─ 『頂』人。無錯，係『頂撞』人。 講開呢位上司，同我之前的某一位上司一樣，錯唔會認，一有事就〝PUSH〞，即係推落其他人身上。 一有問題就話唔知，『我無聽過』。 我估佢對下屬至會咁，對佢上司都係咁就做唔到我上司啦。 我自問我會燥，都係因為對份工有Heart。 我都明白對上司要尊重，但係佢又有無尊重過我地呢? 如果對方有尊重，施丹都唔會出頭頂啦。 如果佢講的說話無偏見，實事求事，我一定會尊重佢。所謂『你想人點對自己，自己就先要點對人』、『人善人欺天不欺，人惡人怕天不怕』。 惡人我見得多，但係無一個令我驚過。 我可以遷就、可以讓，但不要對我得吋進呎。 萬事算到盡，一定會有損失。 損失大小，真是天知了。 〈註一〉第四類〈一〉危險品 指 根據汽車裝載危險物品分類『固體易受外來火源如火花或火焰引燃，並易於燃燒之特性。』 

社會責任

1. 前幾天經過某銀行，門外張貼了搬遷告示。 我發覺留意該告示的大多數是長者，因為對他們應響比較大。 後生的可以行遠些去銀行，可以用網上銀行服務，長者很多連櫃員機都不懂使用，何況上網。 香港政府和商界開始對弱勢社群開刀了，香港銀行以前為了吸引小存戶，十蚊都可開戶，現在要最低戶口結餘又要收手續費。之前是分行的，為了減省人手而轉為自助銀行。 原因是香港的銀行賺夠了，香港銀行水浸了，再不用賺些小利。 大家會問，政府呢? 政府不是提供了很多保障給他們嗎? 我認為香港政府是『刧窮濟貧』，我不反對開徵銷售稅，如果她已經做了應做的。 點解我咁講？ 因為我覺得現時政府建議的銷售稅是劃一稅率5%，而政府吹風話會減薪俸稅同樣是5%。即是香港政府收多了稅，因為現在交稅的人少，銷售稅的目標係花錢的人，薪俸稅的目標係賺取薪金的人。大家都知道那些人口比較多，一定是花錢的人。而弱勢社群就是首當其衝的，人工都無加咁多，政府提供的保障福利有加咁多嗎?會加嗎? 巴士司機加一點幾巴仙都咁辛苦，普羅市民打工仔可能幾年加薪加埋都無5%，政府居然想一次過攞盡? 如果政府想開徵新稅，我認為她應該先公報落實後會對社會大眾有何回饋。 只空講會減薪奉稅，是很難得到大眾支持。 如果政府真的想增加收入而又有膽的話，可以 ： 1 . 增收印花稅 - 根本很多人買賣樓宇或股票時都不太考慮印花稅的問題，加零點幾的巴仙，連經紀的佣金都不夠。 2. 汽車入口稅 應連入口二手車都要徵稅 - 香港地少人多，其實不應該有咁多私家車在路上行駛。何況千幾萬的超級跑車都有香港人買，收多佢一二百萬稅佢都唔會太肉痛啦。如果少了人買仲好，街上少了嘈音(大馬力車真的很嘈)，二來省油減癈氣；夠環保。 3. 無線通話稅(呢項係我的怪念頭) - 因為我經常在街上俾講電話的人強姦了。我唔想知同車的她之前同男友去過邊食過咩，我唔想知他今日識了新女友，我唔想知她今日和同事嘈的內容。手提電話只是方便聯絡，不是方便吹水。同埋私事請在私人地方講，公眾地方請講公事。 4. 錶稅 - 和車稅一樣，過十萬元的錶都買得，要佢俾少少稅都唔會肉赤啦。 政府唔向有錢人的銷費開刀，而要向普羅大眾的開刀。 政府經常話要公平原則，咁點解胡小姐唔使坐監? 因為佢有錢，如果係我犯了相同的罪，一定坐硬。 有公平嗎? 刼我地窮人的錢去接濟貧困人，又公平嗎? 有錢人的錢天跌下來的嗎? 點解唔劫下佢?

 

可愛的亞活

這就是嬰兒時的亞活，所有特徵都相反，所以好多人都唔信係我。 我自己覺得剩係個嘴可以保留到現在。 

老朋友

番看舊照片，發覺身邊的友人都老了。 自己又點會唔係一樣丫? 『老』其實並不可怕。 人會怕老，講到尾都是因為怕孤單。 我早幾年曾經好怕會睇到身邊的人會離開(只是怕這種 生離死別 的感覺)。 還好，一陣子後就再無這個怪諗頭，身邊的人都健健康康。 希望大家都健康快樂啦！ 

香港真係咁好?

我開始不能接受香港的 居住/生活 環境，高密度，空氣差。 現在又話要收銷售稅。做香港人權利少，義務多。 商界的社會責任少之又少，經濟差時減薪加辛，經濟好時凍薪加辛。 香港真的值得香港人為她付出咁多?